مشترک اعلامیه
افغان عالی‌رتبه رهبرلری ۲۰۲۱، جولای ۱۷ سیدن ۱۸ گچه قطر دولتی مېزبانلیگی بیلن قطر دوحه‌سیده صحبتلر قیلدیلر. اولر، ته‌یینلنگن چاغده افغانستان منازعه‌سیگه بیر عادلانه و دواملی حل یۉلی تاپیشی اوچون مذاکره‌لر تېزلنیشی لازملیگیگه کېلیشدیلر.
اولر، اسلامی اصول یاغدوسیده افغانستان بریچه عیال‌لری و اېرککلری منفعتلری و ایستکلریگه جواب بېره‌دیگن بیر کېلیشوودنی توشونه‌دیلر.
اولر، شونقه بیر کېلیشووگه یېتیشگونچه عالی‌رتبه سطحده مذاکره‌لرگه قۉشیلیشلری و اوشبو هدفگه اېریشیش منظوری بیلن کېله‌جکده شونگه اۉخشه‌گن اۉلتیریشلرگه دوام بېریشگه متعهد دیرلر. عین حالده ایککی تامان کتته‌کانلری مذاکره‌لر پروسه‌سی تېزلنیشی اوچون اۉز مذاکره‌چی تیملریگه بویروغ بېردیلر.
همه تامانلر بوتون افغانستان‌ده ملی توب بنالر سقلنیشی، ملی تلفات اۉنگگی آلینیشی و بشری یاردملر یۉلیده یاردم بېره‌میز دېب اطمینان بېره‌دیلر. بوتون افغانستان‌ده کوید ۱۹ ویروسی کېنگ یاییلیشیگه کۉره واکسیناسیون پرسونلی امنیتی اوچون مناسب اقدام قیلیش و کوید ۱۹ گه چلینگن مردم دوالنیشی اوچون آکسیجن و باشقه ضروری موادلر حمل و نقلیده قیسی بیر تۉسیقسیز بۉلیشیدن اطمینان بېریله‌دی دېدیلر.
ایککله هیأت افغانستان‌ده دواملی بیر صلح قیدیریش یۉلیده قطرنینگ سخاوتمندانه یاردملریگه رحمت دېدی. همده قۉشنی اۉلکه‌لر، منطقه اۉلکه‌لری و جهانی جامعه‌دن صلح پروسه‌سیگه قیلگن یاردملریگه امتنان کۉرستدیلر.
دوحه ۲۷ سرطان ۱۴۰۰
۷ ذوالحجة ۱۴۴۲
۱۸ جولای ۲۰۲۱
