ملی مصالحه عالی کېنگشی رییسی ملت‌لر سازمانی اینیقسه نماینده‌سی بیلن اوچره‌شدی
ملی مصالحه عالی کېنگشی رییسی دوکتور عبدالله عبدالله بوگون اۉز دوحه‌ده‌گی توریش یېریده ملت‌لر سازمانی اینیقسه نماینده‌سی جناب ژانر ارنولت بیلن اوچره‌شدی.
اوشبو کۉریشووده ملت‌لر سازمانی نماینده‌سی مذاکره‌لر باشلنیشی اوچون خورسند بۉلیب، صلح پروسه‌سیده بو بیر مهم آدیم دیر دېدی. او، افغانستان معضلی نینگ بیرگینه یۉلی مذاکره و صحبتلر دیر دېب قۉشدی.
ملی مصالحه عالی کېنگشی رییسی دوکتور عبدالله عبدالله ملت‌لر سازمانی یاردملریگه رحمت دېیش یانیده، افغانستان اسلامی جمهوریتی صحبتلر و مذاکره‌گه معتقدی دیر و افغانستان قیینچیلیگی نینگ بیرگینه یۉلی مذاکره دیرلیگیگه ایشانه‌میز دېدی.
اوشبو اوچره‌شووده صلح اورونیشلری، مذاکره‌لر، صلح مذاکره‌لریدن آرقه‌داشلیک حقیده بحث و فکر المشتیریلدی.
